Ислом динига кирган Янги Зеландиядан бўлган аёл Қирол Салмоннинг меҳмони бўлди

0 182

Янги зеландиялик Трейси хоним Саудия Арабистонида Қирол Салмоннинг меҳмони бўлди. Трейси хоним Саудия Арабистони ҳукумати тарафидан муқаддас зиёратга шахсан таклиф қилинган 73 давлатдан 6300 зиёратчи меҳмонлар сафидан жой олди.
Янги Зеландиянинг кўплаб аҳолиси сингари 15 мартдаги Крайстчерч масжидида юз берган фожеадан сўнг унинг Ислом динига бўлган муносабати ўзгарди. «Ушбу фожеадан сўнг кўплаб янги зеландияликлар Ислом динини қабул қилди», деди у.
Трейси хоним сўзларига кўра, Исломни қабул қилишига унинг мусулмон оилалар билан ўзаро муносабати пайтидаги кузатувлари ҳам туртки бўлган.
«Муслима дугонамнинг уйига ташрифим ҳаётимда кескин бурилиш ҳосил қилди. Мен уларнинг оиласидаги кучли бирдамликка ўз кўзим билан гувоҳ бўлдим. Бу менга Ислом дини ҳақида чуқур мулоҳаза юритишга ва динни қабул қилишга ундади ва охир-оқибат мен Ислом динига кирдим», деди ҳожи аёл.

islam.ru

Баҳам кўринг

Leave A Reply