Москванинг Ислом музейи меҳмонларни кутиб олишга тайёр

0 400

Москванинг Жомеъ масжиди бош имоми Ильдар Аляутдиновнинг  хабар беришича, 5 октябрда Москва Ислом музейи ўз ишини бошлайди. Музейда исломнинг беш устуни, нима учун Каба айнан Маккада жойлашгани, Қуръон эса араб тилида нозил қилингани ҳақида экскурсиялар уюштирилади. Музей Москва жомеъ масжидининг иккинчи қаватида жойлашгандир.

Улкан реконструкциядан 10 йил ўтиб жомеъ масжиди ҳамда Ислом музейи очилди. Аммо музейнинг очилиши асосий тадбир  ортида сезилмай қолди, дея хабар қилади  «ИТАР-ТАСС».

Масжидга хоҳ ибодат учун, хоҳ экскурсия учун келганлар оёқ кийимларини ечиши керак бўлади. Аёллар эса ҳижоб кийиб, кўргазмалар залига ўтадилар.

Музейда бир қанча экспонатлар мавжуддир. Шулар қаторида: Саудия Арабистони шахзодасининг масжидга  туҳфа қилган кабапўш, Қуръоннинг қадимий қўлёзмаси, Қуръоннинг VIII асрдаги кумуш қуймага ёзилган нусхаси ва шу каби динга боғлиқ нарсалар.

 

Баҳам кўринг

Leave A Reply