Ирланд шаҳри гербида яримой шакли қандай пайдо бўлган?

0 940

Ирланд шаҳри гербида яримой шакли қандай пайдо бўлган?

«Ислам-Ревью»сайтидан олинди

таржимон Алишер Али

 Милодий 1845-1849 йиллардаги катта очарчилик даври Ирландия тарихидаги энг оғир даврлар бўлган бўлса, ажаб эмас. Одамларнинг мажбур бўлиб, юртини ташлаб кетиши ҳамда миллионлаб кишиларнинг ҳалок бўлиши оқибатида мамлакат аҳолиси ўзининг чорак қисмига қисқарди. Ўша мудҳиш даврлардан хотира сифатида ҳозирда Ирландиянинг пойтахти Дублинда бир ёдгорлик мавжуд. Ўшанда Ирландияга Усмонийлар халифалигидан ташқари бирорта ҳам давлат ёрдам қўлини чўзмаган экан.

23 ёшли халифа Абдул Мажид I Ирландия хукуматига 10 минг кумуш стерлинг (ҳозирги кун ҳисобида 10 млн. Фунт стерлинг) ёрдамини беғараз таклиф қилган экан. Аммо ирландликлар таклифни рад этишга мажбур бўлишган, чунки Британия қироличаси Виктория мусулмонларнинг таклифига нисбатан 5 марта камроқ маблағ юборган экан. Шундай бўлса ҳам, ушбу ҳолат мусулмон ҳукмдорини тўхтата олмабди: ҳазрати олияларини ранжитмаслик мақсадида халифа пул маблағи ёрдамини 10 мартага қисқартириб, ўша аввалги таклиф ёрдам миқдорининг қолган қисмига бешта усмонийлар кемасига тўлдириб озиқ-овқат юклаган. Мазкур нажот кемалари инглиз ҳарбий кемалари жамланмасини айланиб ўтиб, озиқ-овқатларни Ирландиянинг Дроэда шаҳри портига етказиб туширишган. Ўша даврдан бошлаб шаҳарнинг гербида мусулмонча яримой ва юлдуз шакллари пайдо бўлган, деб хабар беради.

 

Баҳам кўринг

Leave A Reply