Икки белбоғ эгаси

0 1 240

  Набий соллаллоҳу алайҳи васаллам қавмини Исломга даъват қилгач, Қурайш ота-боболарининг динини тарк қилишни хоҳлашмасдан даъватни қабул қилишмади. Янги диндан қутилиш учун қодир бўлишган барча чораларни кўрдилар. Сўнг Набий соллаллоҳу алайҳи васалламни ўлдиришга қарор қилишди. Бас, Аллоҳ расулини ҳижрат қилишга буюрди. Ва ўша тунда кофирлар Расулуллоҳнинг уйи атрофида ул зотнинг чиқишини кутишар эди. Ёки уни ўлдириш учун устига бостириб киришади. Бас, Расулуллоҳ соллаллоҳу алайҳи васаллам  амакисининг ўғли Али ибн Абу Толибдан ўзларининг ўринларида ухлашини сўрадилар. Сўнг  Расулуллоҳ соллаллоҳу алайҳи васаллам ва соҳиби Абу Бакр розияллоҳу анҳу тунда Ясриб томон йўлга чиқдилар. Ўзлари билан овқат ҳам, сув ҳам олмадилар. Ва «Савр» ғорига етгунча юрдилар. Бас кофирлар кўрмаслиги учун ғорга кирдилар ва у ерда уч кеча қолдилар. Ва ғордаликларида Абу Бакр розияллоҳу анҳу қўрқди, ва лекин Расулуллоҳ соллаллоҳу алайҳи васаллам унга: «Ҳафа бўлма Албатта Аллоҳ биз билан» дер эдилар. Ва Абу Бакр сиддиқнинг қизи Асмаа ҳар тунда уларнинг олдига ғорга борар эди. Ва уларга таом ва сув келтирар эди. Ва Набий соллаллоҳу алайҳи васалламни қидираётган кофирларни хабарларидан эшитган нарсаларини уларга айтарди. Ўша вақтда Асмаа розияллоҳу анҳо ёш қиз эди ва шу билан бирга Исломдаги вожибини ҳис қиларди. Албатта кофирлар Набий соллаллоҳу алайҳи васалламни ўлдиришни хоҳлашаётганини билар эди. Ва Асмаага Набийни ва уни даъватини ҳимоя қилиш учун бирор нарса қилиши вожиб бўларди. Бас уйидан тунда чиқар ва сахро ўртасида уч мил пиёда юрар эди, ўзидан ҳавотир олмасди ва лекин унинг орқасидан кофирлардан бирон кимса келиб уларнинг жойини билиб қолишидан қўрқар эди. Ва Асмаа ғорга етиб келгач, олиб келган нарсаларини Набий ва отасига тақдим қилар эди. Сўнг уйига қайтарди. Ва кичкина муслима бу ишни уч кеча давом эттирди. Ва учинчи кечада ўзи билан барча сафар озуқасини олди. Ва озуқани туя устига қўйганда уни боғлаш учун ҳеч нарса топа олмади. Бас белбоғини олдида иккига бўлди, ярмиси билан таомни ва бошқа ярми билан сувни боғлади. Расул ҳузурига етиб келгач шу ҳолни Расулуллоҳ соллаллоҳу алайҳи васаллам кўрдилар ва Асмаага:«Албатта Аллоҳ белбоғинга жаннатдан икки белбоғни алмаштирди»- дедилар. Бас, шу кундан бошлаб «Икки белбоғ эгаси» унинг лақабига айланди.

Умму Ҳадича

Баҳам кўринг

Leave A Reply