Ҳазратимни соғиниб олгандим қалам

0 1 154

Ҳазратим ҳақида ўйладим шу дам,
Қайси фазилатин баён айласам.
Қайси бир ҳислатин бунда жойласам.

Оқ қоғозга қараб, бир хаёл қилдим.
Ҳазратим не деркан деб хаёл сурдим.

Ахир мақтанмоқни хуш кўрмас Ҳазрат.
Менинг бу ишимдан хурсандмас Ҳазрат.

Кўтариб ҳарорат ўйладим шу чоғ.
Юзимга Ҳазратим сочсачи тупроқ.

«Бунча кўп мақтама мени, эй маддоҳ!
Мен бир ожиз банда Роббимдир Аллоҳ.

Мақтанмоқ учун мен ёзмадим китоб.
Мени кўп мақтама, сақлагин одоб.

Ҳар ишда бизга кифоя Аллоҳ.
Сен мени бунчалик мақтама, э воҳ».

Ҳазратим койиса шу дамда мени,
«Аллоҳ яратдими шунга айт мени.

Агар Аллоҳ айбларим беркитмаганда.
Фақат фазилатим кўришмас унда.

Демак, бу мақтовлар Аллоҳим учун.
Эй ожиз ёзганинг қалбингдан чиқсин».

Шу дамда Ҳазратим ҳайбати босди.
Ҳазратимга бўлган меҳрим кўп ошди.

Бу суҳбатда бордир балки хосият,
Камтарлик ҳам асли катта фазилат.

Ҳазратим бизларни ўқитар ҳамон,
Бизга таълим берар Ҳазратим ҳар он.

Китобларин ўқиб, илм олсак биз,
«Бахтиёр оила»ни ўқинг ўғил-қиз.

Ким ўқиса «Мукаммал саодат йўли»н,
Боғ қилар ул банда саҳросин, чўлин.

«Одоблар хазинаси» одобга кондир.
Бухорий бободан мерос қалқондир.

Уни ҳам бизга етказди Ҳазрат.
Одобни бизга тутқазди Ҳазрат.

Ақийда бобида қанча китоби,
Ақоид илмининг бўлур офтоби.

«Тафсири Ҳилол»ни ўқинг азизлар.
Ўқиб маъносини уқинг азизлар.

«Ҳадис ва Ҳаёт», «Олтин силсила»,
Ўқигин, Ҳазратга офият тила.

Санасак Ҳазратни меъроси кўпдир.
Не қилсак ҳам энди Ҳазратим йўқдир.

Ҳазратим бизларга бир маёқ эди.
Ҳидоят йўлида бир шамчироқ эди.

«Ҳар бир жон тотар ўлим шарбатин».
Ҳақ томон кетди, кетди Ҳазратим.

Ҳазратим қабрида нур қилгин Аллоҳ.
Қиёматда Ҳазратимга нур бергин Аллоҳ.

Умматим десин Расули Акрам.
Кавсардан сув берсин Ҳазратимга ҳам.

Ҳазратим кетдилар охират томон.
Бизлар ғафлатдамиз, ғафлатда ҳамон.

Биз ғофилларни уйғотмоқ учун,
Ҳазратим кўп меҳнат қилди туну-кун.

Аллоҳ хабардордир ҳар бир нарсадан.
Хақдаги инсондан, ғофил кимсадан.

Ҳазратимга кифоя, кифоя Аллоҳ.
Шафоат айлагай ул Расулуллоҳ.

Ҳазратимга ёздим мўжаз ҳикоят.
Негаки Ҳазратим бизларга ибрат.

Ожиз бу Хуршидий сўрар Аллоҳдан.
Жаннатда учраштир Ҳазратим билан.

 

Баҳам кўринг

Leave A Reply