Болангизни намозга қандай ўргатасиз?

0 2 765

Гоҳида ёш болалар беш вақт намозни тўлиқ ўқишнинг уддасидан чиқа олмайдилар. Шу борада шариат ва усули дин устози доктор Мунзир Абдулвоҳид болангиз билан намоз ва фарзлар ўртасида ўзаро алоқа пайдо қилишга алоқадор бўлган қуйидаги бир қанча йўлларни сизга тақдим қилади.

Болангизга етти ёшлигидан бошлаб рўза ва намоз ўқишни буюринг!

Намоз вақти бўлганида болангизни қизиқарли ўйинини ўйнаб олсин деган маънода ташлаб қўйманг. Балки унга: намозни ўқиб бўлгач, мен уй юмушларига, сиз ҳам ўз ўйинингизга қайтиб давом эттирасиз, деб айтинг.

Намозни яхши кўришингиз ва унга бўлган муносабатингизга эътибор беришига ўргатинг.
Унга ва унинг ака-укаларига намоз ўқигувчиларга бериладиган савоблар ва уни тарк қилувчиларга бериладиган уқубатлар тўғрисида келган Қуръон оятларини изоҳлаб тушунтириб беринг.
Намозга бўлган рағбат, йил бўйи давом этиши лозим. Мисол учун, ёлғиз Рамазон ойидагина бўлмаслиги керак.

Мактаб дарсларига диққат эътибор қилганингиздек, фарзларни бажаришга ҳам эътиборлик бўлишингиз лозим.

«Дўзахга тушиш»ни кўп такрорламай, аксинча унга: жаннатга кирамиз ва унда намоз ўқигувчилар билан бирга бўламиз,- деб айтинг.
Намоз ўқигани эвазига дастлаб бир бўлак холва (ширинлик) каби мукофот билан тақдирлашингиз ҳам мумкин. Бу иш фақат бошланишида бўлиши керак, доимий эмас.

Араб тилидан Абдуллажон Ғуломов таржимаси.

Баҳам кўринг

Leave A Reply