Қатлама хамир (Муза)
Қатламали хамир (рус: слоеное тесто; eng: puff pastry) бир неча қаватлардан иборат бўлиб, кўпгина ширали ва ширасиз пишириқларда ишлатилинади. Хамирни тайёрлаш жараёнида уни бир неча марта буклаб, таркибидаги ёғи эриб қаватларни қўшилиб кетишини олдини олиш учун совутгичда бир неча бор музлатиб олинади. Тайёрланиши оддий бўлса ҳам бироз вақт талаб қилади. Шунга қарамасдан бу хамир пишириқларга жуда енгил ва ўзгача таъм беради.
МАСАЛЛИҚЛАР:
700 гр ун, 1 ст сув, 0.5 чой қошиқ туз, 1 чимдим лимон кислотаси, 200 гр сариёғ (ёки маргарин)
1.Совутгичдан эндигина олинган сариёғни 5-6 ош қошиқ ун билан қориштирамиз.
Қўшимча: Бу жараённи блендерда қилса ҳам бўлади.
2. Унга қориштирилган сариёғни кичик шар шаклига келтириб олиб пишириқ қоғози ёки целофанга ўраб музлатгичга қўямиз.
3. Ун, сув ва тузни аралашириб...
4. ...хамир қорамиз.
5. Хамирни тўрт тарафини ёйиб олиб,
6. ...ўртасига музлатгичдан олинган сариёғни қўямиз.
7. Кейин бир тарафини...
8. ...сўнгра иккинчи...
9. ...учунчи ва тўртинчи тарафларини яхшилаб ёпамиз.
10. Хамирни жувада озроқ очиб оламиз.
Мухим: Сариёғни эришини олдини олиш учун бундан кейинги қадамларни тезлик билан бажариш керак бўлади.
11. Ёйилган хамирни бир тарафини марказга қаратиб буклаймиз.
12. Сўнгра иккинчи тарафини ҳам марказга олиб келамиз.
13. Хамирни иккига буклаб, целофанга ўраб 1 соатга совутгичга қўямиз. Ишингиз тезлашишини истасангиз хамирни музхонага ҳам қўйишингиз мумкин.
14. Совутгичдан олинган хамирни ёйиб 4 га буклаш жараёнини (10-13 қадамлар) яна 3 марта такрорланади. Ҳар буклагандан кейин хамирни 1 соатга совутгичга қўйилади.
15. Хамирни охириги қаватлаш босқичида 4 га эмас 3 га букланади.
Бунинг учун совутгичдан олинган хамирни ўзингизга қаратиб олиб энига бироз кенгайтириб оласиз.
16. Кейин хамирни ёни билан ўзингизга қаратиб олиб...
17. ...бўйига жувада ёйиб оласиз. Ўлчамлари тахминан 25см Х 50см.
18. Хамирни икки тарафини устма уст ёпиб...
19. ...буклаб оламиз.
ҚЎШИМЧА: Тайёр бўлган хамирни бироз совутгичда ушлаб кейин ишлатишингиз ёки яхшилаб ёпиладиган идишга солиб музхонада керак бўлгунга қадар сақлагиншиз мумкин.
