Аёл киши саждада қандай туради?
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

САВОЛ. Имоми Аъзам раҳматуллоҳи алайҳининг «Муснад» китобларида: «Абу Ҳанифа раҳматуллоҳи алайҳи Жабла ибн Суҳаймдан, у Абдуллоҳ ибн Умардан ривоят қилади: «Расулуллоҳ соллаллоҳу алайҳи васаллам: «Ким намоз ўқиса, ит каби тирсакларини ерга тўшамасин», – дедилар», дейилган.  Аёлларнинг намоз ўқишлари шу каби-ку? Улар тирсакларини ерга қўйишади-ку?. Расулуллоҳ соллаллоҳу алайҳи васаллам: «Менингдек ўқинглар», деган эканлар.

Менинг саволим шуки, аёллар билан эркакларнинг намоз ўқишларидаги фарқ қай даражада, бу ҳақда ҳадислар борми? Бир кишидан эшитишимча, бу ҳақда ҳадис йўқ, аёллар билан эркакларнинг намози бир хил эмиш.

ЖАВОБ: Бисмиллаҳир Роҳманир Роҳим Бу каби гапларни кишиларни шак-шубҳага тушириш пайида юрган кимсалар тарқатишади. Уларга баъзи содда кишилар билмасдан хизмат қилишади, яъни уларнинг гапларини мусулмонлар ичида тарқатишади. Аслида, бунақа нусхаларнинг гапига эътибор бермаслик керак. Уларнинг ўзидан «Айтаётган гапингни қаердан олдинг? Ҳамма китобларни ва ҳадисларни ўқиб чиқдингми ё?» деб сўраш керак. Менинг вақтим йўқлиги сабабли, қисқа жавоб бермоқчиман. Имом Абдуллоҳ ибн Муҳаммад Абу Шайбанинг ҳукм ҳадислар бўйича саккиз жилдли «Мусоннаф» деган китоби бор. Ўша китобдаги «Аёл киши саждасида қандай бўлади?» деган сарлавҳа остида олтита ривоят келган ва аёл кишининг саждасининг ҳозир аёллар ўқиётгандек бўлиши баён қилинган. «Аёл киши намозда қандай ўтиради?» сарлавҳаси остида ўн битта ривоят келган. Сизга маслаҳатим, мазҳабларни ва ўтган уламоларни ҳурмат қилмайдиган одобсиз кишиларнинг гапларини эътиборга олманг. Валлоҳу аълам.

Мавзуга оид мақолалар
Ислом ва бошқа динларда рўза, Яратганга ибодатларнинг энг муҳими бўлиш билан бирга, инсон саломатлиги учун ҳам жуда фойдали ҳисобланади. Бир ойлик рўза тутиш давоми...

00:58 / 06.03.2017 40864
Қуръон мусобақаси аёллар беллашуви иштирокчилар чиқиши ниҳоясига етди Тошкент шаҳрида давом этаётган Қуръон мусобақаси Республика босқичининг аёлқизлар давоми...

03:19 / 26.04.2018 3120
Фарғона вилояти бўйича ўтказилаётган яна бир Қуръон мусобақаси Бешариқ, Ўзбекистон ва Фурқат туманлари иштирокида Ўзбекистон тумани Яккатут қишлоғида бўлиб давоми...

01:05 / 07.02.2018 2095