Абдулла Орипов: «Шайх Муҳаммад Содиқ жаноблари юз-икки юз йилда бир келадиган инсонлардан эдилар»
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абдулла Орипов: «Шайх Муҳаммад Содиқ жаноблари юз-икки юз йилда бир келадиган инсонлардан эдилар».

Жорий йилнинг 30 июль шанба куни «Ҳилол нашр» матбаасига Ўзбекистон Қаҳрамони, улуғ халқ шоири Абдулла Орипов жаноблари ташриф буюрди. У киши суҳбат асносида Устоз Шайх Муҳаммад Содиқ Муҳаммад Юсуф раҳматуллоҳи алайҳни хотирлаш, у киши асос солган нашриёт ва унинг ходимлари билан яқиндан танишиш ҳамда Ҳазрат қолдирган бой илмий мероснинг халқимиз қўлига қай кўламда етиб бораётгани ҳақида тўлиқроқ маълумотга эга бўлиш мақсадида ташриф буюрганини таъкидлаб ўтди. Меҳмоннинг қудуми муносабати билан нашриёт ходимлари иштирокида давра суҳбати уюштирилди. Суҳбатда устоз Абдулла Орипов Шайх Ҳазратлари билан кечган хотираларини шавқу завқ билан ёдга олди. Жумладан, Ҳазратнинг тарғиботлари билан ҳадислар маънолари асосида шеърий рисола яратганини ва шу сабаб бўлиб у киши билан бирга ҳаж ибодатини адо этишга мушарраф бўлганини эслаб ўтди. У киши Шайх ҳазратлари ҳақида, жумладан, шундай деди: «Шайх Муҳаммад Содиқ жаноблари юз-икки юз йилда бир келадиган инсонлардан эдилар. У кишидан биз жуда кўп нарса ўрганганмиз. Дунёқарашлари ўта кенг, ҳақиқий аллома эдилар. Халқимизни дунёга танитган чин ўзбек ўғлонларидан, даҳолардан эдилар. Мен доим у кишининг парвозлари Абу Райҳон Беруний, имом Ғазолийларнинг парвозларига монанд эди, дейман».

Уcтоз Абдулла Орипов Шайх ҳазратларининг фарзанди аржумандлари Исмоил Муҳаммад Юсуф жаноблари билан самимий суҳбат қилиб, олиб бораётган фаолиятларига юқори баҳо берди ва бу илм-маърифат йўлида янада бардам бўлишларини айтиб, эзгу тилаклар билдирди. Айниқса, нашриётнинг ютуқлари, у ерда чоп қилинаётган китобларнинг сифат даражаси ниҳоятда юқорилигидан қувонганини яширмади. Ўз навбатида Исмоилжон домла ҳам ўзи ва бутун нашриёт ходимлари номидан азиз меҳмонга ташаккурлар изҳор қилиб, гўзал тилаклар айтди. Суҳбат сўнгида тиловати Қуръон қилиниб, марҳумлар ҳаққига дуолар қилинди.

Ҳасанхон Яҳё Абдулмажид

Сўнги таҳрир санаси Сешанба, 02 Август 2016 13:24

 
Мавзуга оид мақолалар
Саудия Арабистонидаги муҳандис Муҳаммад Ҳамид Саййид ўзи ихтиро қилган соябонига патент олди. Мазкур соябон махсус ҳаж ёки умра амалларини адо этувчи ҳожиларга давоми...

03:53 / 18.07.2017 13099
Ассаламу алайкум Порталимиз ва«муслимaат.уз» саҳифасининг азиз ўқувчилари. Сизга «Омина» электрон журналимизнинг iBooks китоб дўконига мўлжалланган давоми...

06:51 / 21.01.2017 3447
 Қозон масжидида Қурбон ҳайити байрами олдидан жонлиқ сўйишга буюртмалар қабул қилиш бошланди. Бу ҳақда Татаристон мусулмонлар идораси расмий сайтида хабар давоми...

02:39 / 28.07.2018 2548
Икки акаука битта ҳовлида яшашади. Ҳовли бўлиб берилган. Аммо арзимас ер учун ҳозир иккисининг орасига совуқчилик тушган. Уканинг хотини сеҳржоду билан давоми...

21:57 / 13.10.2016 2665