Таъзиянома

0 508

  Инсон ҳаёти давомида ўқийди, ўрганади ва уларга амал қилишга ҳаракат қилади. Кимки ўз ўрганганларига амал қилиб бошқаларга ҳам ўргатса, ҳар бир айтган сўзи таъсирли бўлади ва эшитган одам ҳам ўша инсондан ўрнак олиб, амал қилишга ҳаракат қилади. Бундай амал қилувчиларни ҳаётимиз давомида кам учратамиз.

 Бугун 14 январь куни  Ўзбекистонда хизмат кўрсатган маданият ходимаси, халқ севган адиба Турсуной Содиқова Аллоҳ (азза ва жалла) белгилаган вақт-соат етиб, фоний дунёдан боқий дунёга риҳлат қилдилар… Инна лиллаҳи ва инна илайҳи рожиъун!

Ҳадиси қудсийлардан бирида айтилади: «Эй, Одам фарзанди! …Албатта, Мен сизларнинг на суратларингизга, на чиройларингизга қарайман. Балки қалбларингизга қарайман ва сизлардаги яхши хислатларингиздан рози бўламан». Севимли адибамиз Турсуной Содиқова ҳам кўплаб яхши хислатлар эгаси бўлиш билан бирга, ўзгаларни Ватанга, бутун мавжудотга нисбатан меҳр   билан яшашга чорлаган ҳассос қалб эгаси эдилар.

Зеро, адибамиз севган, ардоқлаган  эзгу туйғулар унинг нафис оҳангларга йўғрилган сатрлари орқали инсонлар қалбига кириб бораверади, уларни яхшиликка ундашда давом этаверади, иншааллоҳ.

Доим халқ хизматида бўлган ижодкор инсон Турсуной Содиқованинг охиратлари обод бўлсин, оила аъзоларига гўзал сабр насиб этсин, Омин.

Шу ўринда у кишининг аёллар борасида билдирган фикрлари битилган видеолавҳани   тақдим қилиш ила ёдга олишни лозим топдик.

Аллоҳ таоло ўз раҳматига олган бўлсин!

muslimaat.uz

 

Баҳам кўринг

Leave A Reply