ХИТОЙДА ОЧИЛГАН ДУНЁДАГИ ЭНГ КАТТА АЭРОПОРТ ИРОҚЛИК МУСЛИМА ТОМОНИДАН ЛОЙИҲАЛАШТИРИЛГАН

0 299

Пекинда энг катта халқаро Дасин аэропорти очилди. “Сина” ахборотлар порталининг хабарига кўра, у 25 сентябрь куни биринчи рейсни қабул қила бошлади. Бу лойиҳа Хитой авиацияси тарихида энг қимматбаҳо лойиҳа бўлгани таъкидланади.
“Дасин” – дунёдаги энг катта яхлит ҳолатда қурилган бинодир. Аэропорт терминалининг томи дунёдаги энг катта пўлат том деб тан олинди. Майдони эса 25 та футбол майдонига тенгдир. Томнинг дизайнини архитектор ва дизайнер Заха Ҳадид ишлаб чиққан. Заха Ҳадид ироқлик муслима бўлиб, у архитектура йўналишидаги энг нуфузли Прицкер мукофотининг биринчи аёл совриндоридир. Бу муслима бир неча маротаба дунёнинг энг эътиборли инсонлари рўйхатидан жой олган. У лойиҳалаштирган бинолар Буюк Британия, Германия, Австрия, Франция, Дания, АҚШ, Япония, Россия кўчаларига зеб бериб турибди.
Заха Ҳадид 2016 йил охирида, тўсатдан бир қанча якунланмаган катта лойиҳаларни қолдириб вафот этди.

Баҳам кўринг

Leave A Reply