Сиз ноёбсиз!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сиз ноёбсиз! Бутун дунёдан қидирилганида ҳам худди сиздек инсон топилмайди. Чунки сизни Аллоҳ таоло алоҳида қилиб яратди. Ҳеч кимда сизникидек табассум, сизникидек кўз, қулоқ, бурун, соч, қўл, овоз... йўқ. Бутун дунёда сизнинг ёзувингиздек ёзадиган инсон топилмайди. Ейиш-ичишда, кийинишда, уй тутишда ҳеч кимда сизникидек дид йўқ. Ҳамда ҳеч ким дунёга сизнинг кўзингиз боққани каби боқмайди. Бутун дунёда худди сиз каби ҳеч ким йиғлай олмайди ва ҳеч ким кула олмайди. Ва сизни кулдирган нарса бировни кулдирмайди, сизни таъсирлантириб, йиғлатган нарса бошқаларга сизга таъсир қилганчалик таъсир этмайди. Ҳеч ким баъзи вазиятларда сизнинг қилган ноёб хатти-ҳаракатингизни сиздек қайтара олмайди.

Сиз ноёбсиз! Яратган айнан сизга инъом этган истеъдодлар бошқаларда йўқ. Албатта, ҳар доим сиздан-да истеъдодлироқ инсон топилади, аммо Аллоҳ таоло сизга инъом этган истеъдод, ғоялар, ҳис-туйғулар, фикрларнинг жамланмаси бутун коинотда сизда жамланганидек яна бир инсонни топиб бўлмайди. Сиз каби бу дунёда ҳеч ким қадам ташламайди, сизники каби қомат ҳеч кимда йўқ, сиз каби ҳеч ким сўзлаша олмайди, сиздек ҳеч ким фикр юрита олмайди. Сиз бебаҳосиз.

Сиз ноёбсиз! Бу ноёблигингиз жуда катта қийматга эга. Шунинг учун ҳам бошқаларга тақлид қилишингиз шарт эмас. Сизнинг бошқалардан фарқингиз бўлгани учун ҳам ўзингизни борлиғингизча қабул қилиб, бундан хурсанд бўлиб яшанг. Сизнинг ноёблигингиз шунчаки тасодиф эмас. Қилаётган ишингизни миллионлаб инсонларнинг ичидан Яратган Аллоҳ бажариш учун фақат сизга инъом этди, фақат сиз бунинг уддасидан чиқасиз. Чунки сиз ноёбсиз. Сиз бебаҳосиз…

Мавзуга оид мақолалар
Қуръон мусобақасининг Республика босқичини томоша қилмоқчи бўлган опасингилларимиз учун Наврўз тантаналар уйида жой ҳозирланаётгани ҳақида аввал хабар берган давоми...

09:31 / 19.04.2018 2283
Аввал хабар берганимиздек, Наманган шаҳридаги Ҳазрати Лангар масжидида Қуръон мусобақаси бўлиб ўтмоқда. Айни дамда ҳифз йўналиши якунланиб, тиловат йўналиши давоми...

00:14 / 04.02.2018 2609
Андижонда Қуръон қироати мусобақаси биринчи босқичи 2018 йил 3 феврал куни якунига етди. Мазкур вилоятда мусобақа чинакам байрамга айланиб кетди, десак, муболаға давоми...

00:39 / 04.02.2018 2960
18 апрель куни Хадичаи Кубро аёлқизлар ўрта махсус Ислом билим юртида аёл ҳакамлар иштирокида мажлис бўлиб ўтди. Унда Қуръон мусобақасининг Республика босқичига давоми...

11:28 / 19.04.2018 2568