Афинада сўнгги икки аср ичида илк расмий масжид очилади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

180 йилдан ортиқ муддатдан сўнг Греция пойтахтида илк расмий масжид яқин ойларда ишга тушиши режалаштирилмоқда, деб хабар беради Al-Jazeera.
“Яқин орада илк намозлар ўқила бошланади. Бу сентябрдан бошланади, деб умид қиламиз”, деди Таълим вазири Костас Гавроглоу журналистларга. У, шунингдек, Афина масжиди бошқа кўплаб Европа масжидларидан фарқли равишда хусусий мулк эмас, балки жамоатчилик жойи эканини қайд қилди.
Масжид қурилиши уч йил аввал Парламент томонидан тасдиқланган эди. Қурилишга турли грек вазирликлари ва ҳар хил хизмат идоралари, жумладан, Таълим вазирлиги, Инфратузилма вазирлиги, Афина шаҳар ҳокимияти ва ҳатто денгиз ҳарбий флоти ҳам жалб қилинган ва €850,000 евро ажратилган эди.
“Мен, аввало, Аллоҳга шукр қиламан. Ниҳоят, бизнинг биргаликда йиғилишимиз, ибодат қилишимиз ва турли масалаларда суҳбатлашишимиз мумкин бўлган масжидимиз бўлади”, дейди масжид имоми Закий Муҳаммад.
Афинада масжид қурилиши муҳокамалари ўн йиллар аввал бошланган. Ҳозиргача Афина Европадаги бирорта масжиди бўлмаган ягона пойтахт эди.
Таъкидлаш жоизки, Греция 1833 йилда Усмонийлар давлатидан мустақил бўлганидан буён Афинада расмий масжид бўлмаган. Афинада ўша пайтда қолган масжидлар музей ва омборга айлантирилган. 1890 йилдан буён бир неча марта масжид қуриш лойиҳалаштирилган. Reuters агентлигининг маълумотларига кўра, Афинада 500 мингга яқин мусулмон яшайди.

Манба
Мавзуга оид мақолалар
Ҳайз пайтида тарк қилинадиган рўза оз, намоз эса кўп бўлади. Рўза йилда бир марта келади. Намоз ҳар куни беш марта. Агар аёл кишидан ҳайз пайтида ўқимаган давоми...

23:42 / 06.03.2017 5352
Бу муаммо жуда кўп оилаларда мавжуд. Аёллар мақсадга етиш учун айланма йўллар ўйлаб топадилар, ёлғон тўқийдилар, макр ишлатадилар ва  шу ўринда Аллоҳнинг кўриб давоми...

08:39 / 20.11.2016 7352
«Витр» сўзи бизнинг тилимизда «тоқ» маъносини билдиради. Витр намози вожибдир. Витр ҳуфтон намозининг фарз ва суннатидан сўнг ўқилади. Витр 3 уч ракъатдир. давоми...

04:52 / 22.05.2017 3308
Умар розияллоҳу анҳудан ривоят «Бир куни биз Расулуллоҳ соллаллоҳу алайҳи васаллам ҳузурларида ўтирганимизда баногоҳ олдимизга кийимлари оппоқ, сочсоқоли тим давоми...

02:47 / 17.10.2016 4792